Rusiya mal ətini Malayziya da tədarük edəcək.

Publika.az xəbər verir ki, bu barədə “Lipetsk Myaso” MMC-nin baş direktoru Sergey Oqanov məlumat verib. Onun sözlərini “İzvestiya” qəzeti sitat gətirib.

Şirkət nümayəndəsinin sözlərinə görə, istehsalçı indi sertifikatlaşdırmadan keçməyə başlayıb. Rusiya ətinin xaricə, xüsusən də Səudiyyə Ərəbistanına və digər Körfəz ölkələrinə satışı onun uğurundan asılı olacaq.

“Biz inanırıq ki, bu təşəbbüs təkcə biznesimiz üçün yeni imkanlar açmayacaq, həm də Rusiyanın keyfiyyətli heyvandarlıq məhsullarının etibarlı tədarükçüsü kimi imicini gücləndirməyə kömək edəcək. Hazırda müəssisədə halal istehsalın tələblərinə cavab vermək üçün ciddi dəyişikliklər aparılır”, - deyə Oqanov izah edib.

Bu gün Rusiya Malayziyaya heyvandarlıq məhsulları tədarük etmir - bu günə qədər ölkələr yalnız 2022-ci ildə rus ixracatçılarının biznes missiyası zamanı ilkin razılaşmaları rəsmiləşdiriblər.

2023-cü ildə Rusiya xaricə quzu tədarükünü əhəmiyyətli dərəcədə artırıb.

İxrac 10 dəfə artaraq 10 min tona çatıb. Eyni zamanda, İran Rusiya quzu ətinin ən böyük idxalçısı olub. Alış həcminə görə də BƏƏ və Qazaxıstan liderdir .

İxracatçılardan birinin nümayəndələri bəyan ediblər ki, İran bazarı Rusiya qoyunçuluq sənayesi üçün böyük maraq doğurur. Onların fikrincə, bu istiqamət Rusiya məhsullarının tədarükü üçün əhəmiyyətli ola bilər.

Tural