Rusiya mübadilə çərçivəsində 49 məhbusu Ukraynaya qaytarıb.

QÜTB.AZ xəbər verir ki, bu barədə Ukrayna prezidenti Vladimir Zelenski öz "Telegram" kanalında məlumat verib.

“Mən məhbusların azad edilməsini təmin edən bütün komandamıza təşəkkür edirəm”, - deyən Zelenski məhbusların Ukrayna ordusuna qaytarılmasının zəruriliyini qeyd edib.

O deyib ki, Ukraynaya qayıdan 49 məhbus arasında Ukrayna ordusunun, Ukrayna Milli Qvardiyasının əsgərləri, həmçinin ölkənin Milli Polisi və Dövlət Sərhəd Xidmətinin əməkdaşları var.

Qeyd edək ki, Rusiya tərəfi hələlik məhbus mübadiləsini təsdiqləməyib.

Xatırladaq ki, bu il yanvarın sonunda Rusiya Federasiyasının Müdafiə Nazirliyi Ukrayna ilə kütləvi şəkildə əsir mübadiləsi barədə məlumat vermişdi. Qeyd olunmuşdu ki, çox güman ki, Kiyev Qərbi belə bir addım atmağa məcbur edib.

Adəm Abbaslı