BMT Baş katibi Antonio Quterreş bütün tərəfləri Qırmızı dənizdə vəziyyətin gərginləşməsinə səbəb ola biləcək hərəkətlərdən çəkinməyə çağırıb.
Publika.az xəbər verir ki, bunu baş katibin rəsmi nümayəndəsi Stefan Düjarrik bildirib.
"Baş katib öz gəmilərini qoruyan bütün BMT-yə üzv dövlətləri qətnamədə göstərildiyi kimi, bunu beynəlxalq hüquqa uyğun etməyə çağırır. Baş katib bir daha bütün tərəfləri Qırmızı dəniz və bölgədə münaqişənin daha da gərginləşməsinin qarşısını almağa çağırır”, - BMT rəsmisi qeyd edib.
