ABŞ və müttəfiqlərinin Yəmənə hücumlarından sonra Brent markalı neftin bir barreli 80, WTI tipli neftin bir barreli 75 dollara qədər bahalaşa bilər.

Publika.az xəbər verir ki, bu barədə “Blomkberg” yazıb. Analitiklər hesab edir ki, dünya neft bazarının əsas oyunçuları ötən ilin sonundan müşahidə edilən tələbat artımına həddən artıq diqqət yetirib və Qırmızı dənizdə vəziyyətin pisləşməsini lazımınca qiymətləndirməyiblər.

“Bloomberg” həmçinin yazır ki, ABŞ-ın husilərə qarşı həyata keçirdiyi hər hansı hərbi əməliyyat nəticəsiz qalmayacaq və qlobal neft bazarı inflyasiya ilə reaksiya verəcək.

Ekspertlər razılaşırlar ki, hava hücumları eskalasiya riskini əhəmiyyətli dərəcədə artırır və bu, yaxın gələcəkdə neftə tələbatı daha da artıra bilər.

Münaqişə kəskinləşərsə, neft bazarında kəskin inflyasiyanın qeydə alınacağı və bazarda kifayət qədər qeyri-sabit vəziyyətin yaranacağı təhlükəsi var. Mütəxəssislərin fikrincə, bu, neft bazarlarının OPEC+ sazişi çərçivəsində hasil edilən neftin həcminin azaldılmasından tutmuş, üzv ölkələr tərəfindən həyata keçirilən tədarüklərə qədər tələbin proqnozunun qiymətləndirilməsi üçün bir sıra parametrləri dəyərləndirməsi ilə bağlıdır. ABŞ və Çində neftə olan tələbata xüsusi diqqət yetirilir.