Rusiya prezidenti Vladimir Putinin Kuril adalarına səfər etmək niyyətini bəyan etməsindən sonra Yaponiya hökuməti vəziyyəti diqqətlə izləyəcək.

Publika.az xəbər verir ki, bunu Yaponiya Nazirlər Kabinetinin baş katibi Yosimasa Hayaşi deyib .

“Rusiya rəsmilərinin hər bir bəyanatını şərh etməkdən çəkinəcəyəm”, - o qeyd edib. Eyni zamanda, Hayaşi Tokionun vəziyyətin inkişafına "uyğun" cavab verəcəyini vəd etdi.

Bundan əvvəl Vladimir Putin nə vaxtsa Kuril adalarına səfər edəcəyini bildirmişdi. Eyni zamanda, Rusiya lideri səfərin dəqiq nə vaxt baş tutacağını və Kuril adalarının hansı hissəsinə səfər etmək niyyətində olduğunu açıqlamayıb. “Orada çox maraqlıdır, deyirlər. Təəssüf ki, heç vaxt olmamışam, amma mütləq gedəcəm” deyib.

Yaponiya Rusiyanın İturup, Kunaşir və Şikotan Kuril adalarına sahib olması ilə mübahisə edir. Rusiya sözsüz ki, bu adaları özününkü hesab edir. Bu səbəbdən Moskva və Tokio hələ də sülh sazişi imzalamayıb.

Tural