Ukrayna əsilli amerikalı politoloq Aleksandr Motil Rusiya prezidenti Vladimir Putinin 21-ci əsrin sonuna qədər ölkəsini idarə edəcəyindən narahatlığını bildirib.
QÜTB.AZ xəbər verir ki, “The Hill” üçün hazırladığı materialında o, Moskva və bütün Rusiyanın Patriarxı Kirillin Putinə “zamanın sonuna qədər hökmranlıq etməsi” arzusuna istinad edir. Motil bütün məqaləsini bu arzuya həsr edib və burada Putinin 148 yaşında təqaüdə çıxa biləcəyini təklif edib.
“Mayın 7-də Vladimir Putinin prezident kimi inauqurasiyasından dərhal sonra Patriarx Kirill Putinin hakimiyyətinin əsrin sonuna qədər davam etməsini arzuladığını bildirdi. Bu kontekstdə “əsr” ya bir əsr, ya da bir zaman mənasını verə bilər. Ən yaxşı halda 148 yaşlı Putin 2100-cü ildə istefa verəcək”, – politoloq öz analitik materialında qeyd edib.
