ABŞ Müdafiə Nazirliyi (Pentaqon) Türkiyə ilə Suriyada SDQ (Suriya Demokratik Qüvvələri) adından istifadə edən terror təşkilatı PKK/YPG və DEAŞ ilə bağlı danışıqların davam etdiyini, Suriyadakı vəziyyət və regional təhlükəsizlik maraqları ilə əlaqədar kommunikasiya xətlərini açıq saxlamağa davam etdiklərini bildirib.

QÜTB.AZ xəbər verir ki, Pentaqonun sözçüsü Patrik Rayder gündəlik mətbuat konfransında Suriya ilə bağlı sualları cavablandırıb.

Rayder qeyd edib ki, Suriya hazırda həssas bir dönəmdədir:

“ABŞ qüvvələri, xüsusən də Əsəddən sonrakı rejimdə İŞİD-i məğlub etmək missiyasında illərdir SDQ ilə sıx əməkdaşlıq edir və bu, diqqətimizdədir. SDQ adından yerli xalqın deyəcəkləri və ya deməyəcəkləri haqqında danışmayacağam. Türkiyə NATO-nun çox dəyərli müttəfiqidir və biz Suriyadakı vəziyyət, regional təhlükəsizliklə bağlı kommunikasiya xətlərini açıq saxlamağa davam edirik”.

Aysel Şahmar