Xəbər verdiyimiz kimi, Ermənistanın baş naziri Nikol Paşinyan “Frans 24” telekanalına müsahibə verib. O, jurnalist Mark Perelmanın suallarını cavablandırıb.

Publika.az xəbər verir ki, Perelman Paşinyana “Qarabağdakı son münaqişə zamanı siz Moskvanı bu münaqişəni sizə qarşı çevirmək cəhdində ittiham etdiniz. Hələ də düşünürsünüz ki, Vladimir Putinin məqsədi sizi hakimiyyətdən uzaqlaşdırmaqdır? ” – sualını verib.

Nikol Paşinyan belə cavab verib: “Bilirsiniz, 2023-cü ilin sentyabr hadisələri zamanı Rusiya Federasiyasının ən yüksək rütbəli nümayəndələri birbaşa Ermənistan vətəndaşlarını küçələrə çıxmağa və seçilmiş qanuni hökuməti devirməyə çağırdılar. Rusiya telekanalları bir neçə gün deyil, 6 ildir ki, Ermənistan hakimiyyətinə, seçilmiş hakimiyyət orqanlarına və şəxsən mənə qarşı sistemli və ardıcıl, məqsədyönlü anti-təbliğat aparırlar. Nəticə çıxarmaq üçün başqa nə var?”

Ardınca fransız jurnalist soruşur: bu gün də davam edir?

Ermənistanın baş naziri cavabında deyib: “Düzünü desəm, mən o mövzuya marağımı itirmişəm. Davam edib-etmədiyini bilmirəm. Davam etsə də, etməsə də, Ermənistan xalqı göstərdi ki, onlar öz suverenliyindən, müstəqilliyindən və demokratiyasından əl çəkməyəcək. Öz ərazi bütövlüyünü qorumaqda, qonşuları ilə normal münasibətlər qurmaqda və sülh gündəmində maraqlı olacaqlar. Eləcə də “Sülhün kəsişməsi” layihəsinin həyata keçirilməsi, həmçinin Avropa İttifaqı ilə gələcək əlaqələrin dərinləşdirilməsi baxımından...”.

Murad