ABŞ Prezidenti Donald Tramp Panama kanalında ABŞ bayrağı altında üzən gəmilərdən alınan rüsumlardan narazılığını bildirib.

QÜTB.AZ xəbər verir ki, Tramp yaxında Panamanı qaytaracağını söyləyib.

"Çin Panama kanalına nəzarət edir, biz onu Çinə verməmişik. Biz onu Panamaya verdik. Və biz onu geri qaytaracağıq", - deyə o qeyd edib.

Panama Prezidenti Xose Raul Mulino isə Donald Trampın Panama kanalına nəzarəti ələ keçirmək niyyətində olduğuna dair iddialarını sərt tənqid edib.

O, bu barədə "X" sosial şəbəkəsində yazıb:

"Panama Respublikası və onun xalqı adından Prezident Donald Trampın Panama kanalı ilə bağlı inauqurasiya nitqində söylədiyi bəyanatları qəti şəkildə rədd etməliyəm. Dekabrın 22-də xalqa müraciətimdə dediklərimi təkrar edirəm, Kanal Panamanın bir hissəsidir və elə də qalır, onun idarəsi onun daimi neytrallığına ciddi riayət etməklə, Panamanın nəzarəti altında qalacaq”.

Mulion vurğulayıb ki, ABŞ ilə danışıqlara hazırdırlar: "Dialoqa hazırıq, lakin təslim olmağa yox".