Rusiya prezidenti Vladimir Putin yeni “Oreşnik” raketinin bəzi xüsusiyyətlərindən danışıb.

QÜTB.AZ xəbər verir ki, o, bu açıqlamanı Kollektiv Təhlükəsizlik Müqaviləsi Təşkilatının (KTMT) Kollektiv Təhlükəsizlik Şurasının iclasında çıxışı zamanı edib.

"Onlar hətta böyük dərinliklərdə yerləşən yüksək qorunan obyektləri də vura bilirlər. Zərərverici elementlərin temperaturu 4 min dərəcəyə çatır. "Oreşnik"dən partlayışın episentrində olan hər şey elementar hissəciklərə bölünür və əslində toza çevrilir", - Putin həmkarlarının xahişi ilə sınağın təfərrüatlarını açıqlayıb.

"Eyni zamanda, "Oreşnik"in nüvə yükü yoxdur, o, yüksək dəqiqlikli silahdır və kütləvi qırğın silahı deyil", - deyə dövlət başçısı əlavə edib.

Onun sözlərinə görə, bu silahın analoqu yoxdur, olsa da hələ dünya uzun bir zaman gözləməli olacaq.

Adəm Abbaslı