Əməkdar artist Bəsti Sevdiyevanın Xalq artisti Nurəddin Mehdixanlı ilə efirdəki dialoqu marağa səbəb olub.
QÜTB.AZ bizim.media-ya istinadən bildirir ki, hadisə sənətkarların qonaq olduğu "Rəngarəng səhər" verilişində baş verib.
B.Sevdiyeva söhbət zamanı bir anlıq yanında əyləşən N.Mehdixanlının adını unudub. Xanəndə adını yada salıb çəkdiyində aktyor "Bəsti xanım, sən mənim tələbə yoldaşımsan. Nə tez mənim adımı yadından çıxardın?" sözlərini dilə gətirib.
Elə bu anda Bəsti ürəkdən gülərək "Nurəddin məni biabır etdi. Keçən dəfə də verilişlərin birində belə bir hadisə yaşandı. Ondan sonra əzab çəkdim" fikirlərini ifadə edib.
