Keçmiş demokrat konqresmen Tulsi Qabbard ABŞ prezident seçkilərində ResQutb.azçılar Partiyasının namizədi Donald Trampı dəstəkləyib.

QÜTB.AZ xəbər verir ki, bu barədə “The Guardian” məlumat yayıb.

İraqda orduda xidmət edən Qabbard 2020-ci ildə Demokratlar Partiyasının ilkin seçkilərində prezidentliyə namizəd olub. İki il sonra o, partiyanı tərk edib və Mühafizəkarların konfranslarında və sağçı mediada çıxış edib.

Trampın çıxış etdiyi Miçiqan ştatının Detroit şəhərində Milli Qvardiya Assosiasiyasının konfransında çıxış edən Qabbard deyib: “Bu administrasiyaya görə biz dünyanın müxtəlif bölgələrində bir çox cəbhədə çoxsaylı müharibələrlə üzləşirik və heç vaxt olmadığı kimi nüvə müharibəsi astanasındayıq. Bu, prezident Trampı yenidən baş komandanımız kimi bizə xidmət edə biləcəyi Ağ Evə geri qaytarmaq üçün əlimdən gələni etməyə səbəblərdən biridir. Çünki əminəm ki, onun birinci vəzifəsi bizi müharibənin astanasından geri qaytarmaq üçün hər şeyi etmək olacaq”.

Qabbard Demokratların namizədi Kamala Harrisi siyasi rəqiblərə qarşı qisas almaqda, vətəndaş azadlıqlarını pozmaqda və Amerika institutlarından həm Trampa, həm də özünə qarşı silah kimi istifadə etməkdə ittiham edib.

“Biz amerikalılar siyasi qisas və hakimiyyətdən sui-istifadə kimi anti-azadlıq mədəniyyətini rədd etmək üçün birləşməliyik”, - deyə o bildirib.

Tramp etiraf edib ki, Qabbardın orduda polkovnik-leytenant rütbəsi ilə xidmət etdiyini bilmirdi.

"O, xüsusi bir insandır. Onun böyük sağlam düşüncəsi, böyük ruhu var. O, ölkəmizi və insanları sevir”, - dedyə Tram bildirib.

Adəm Abbaslı