Keçən ilin dekabrında İngiltərə çempionatının 17-ci turunun "Liverpul"la oyunu üçün "Enfild Roud"a gedən "Mançester Yunayted"in avtobusuna şüşə butulka atan yerli azarkeş Lyuis Klirinin cəzası açıqlanıb.
Publika.az xəbər verir ki, o, üç il müddətinə futboldan uzaqlaşdırılıb. Bu müddət ərzində Lyuis bu idman növü ilə bağlı heç bir tədbirdə və ya oyunda iştirak edə bilməz. Bu barədə "Daily Mail" məlumat yayıb.
Mersisaydlı azarkeş həmçinin, 150 funt sterlinq cərimə ilə yanaşı, Mançester təmsilçisinin avtobusuna dəymiş ziyanı ödəməli olacaq.
Xatırladaq ki, bu hadisə zamanı xəsarət alan olmayıb.
Heybət
