Nigeriyanın Delta əyalətində silahlı hücumlarda 16 əsgər həyatını itirib.
Publika.az xəbər verir ki, Nigeriya Müdafiə İnformasiya Direktoru Tukur Qusau verdiyi yazılı açıqlamada Delta əyalətinin Bomadi bölgəsindəki iki kənddə sülhməramlı xidmətdə olan əsgərlərə silahla hücum edildiyini bildirib.
Qusau hücumlarda 2 mayor və bir kapitan olmaqla 16 əsgərin həyatını itirdiyini qeyd edib:
“Bölgəyə təhlükəsizlik qüvvələri göndərilib. İndiyə qədər bir neçə adam nəzarətə alınıb, hücumun səbəbini ortaya çıxarmaq üçün lazımi addımlar atılmağa başlanıb”.
Digər tərəfdən, milli mətbuatda yer alan xəbərlərdə bölgə sakinlərinin hücumdan sonra qorxudan evlərini tərk etdiyi bildirilib.
Aysel Şahmar
