Xərçəng xəstəliyindən vəfat edən Əməkdar artist Aygün Bəylərlə “Avroviziya” qalibi Nigar Camalın “Nəfəsim, qəlbim” mahnısı həm yutubda, həm də sosial şəbəkələrdə rekord qırıb.

Publika.az xəbər verir ki, sənətçilərin dueti 2019-cu ildə təqdim olunsa da, kompozisiya 4 il sonra daha böyük auditoriyanın diqqətini çəkib. Yutubda 1,5 milyon baxışı olan mahnı 3 gündə 400 mindən çox baxış sayı toplayıb. İfa eyni zamanda TikTok-da da trendə düşüb.

Sözügedən ifa sənətiçinin ölümündən sonra televiziya verilişləri və radiolarda daha çox səslənməyə başlayıb, eyni zamanda sosial şəbəkələrdə də izləyicilərin ən çox paylaşdığı mahnılardan biri olub.

Qeyd edək ki, Aygün Bəylər dünyasını dəyişəndən sonra Nigar Camal mahnını efirdə tək ifa edərkən göz yaşlarına hakim ola bilməmişdi.

Qeyd edək ki, mahnının sözləri İkram Əliyevə, musiqisi isə Nigar Camala məxsusdur. Onu da bildirək ki, sənətçilərin “Şəhidlər” adlı dueti də var.