Hindistanın müdafiə naziri Rajnat Sinq ölkədə təbii fəlakətlərin artmasına səbəb olan iqlim dəyişikliyində “düşmən ölkənin” əli olub-olmamasının araşdırılacağını açıqlayıb.
Publika.az xəbər verir ki, nazir Uttaraxand ştatında 35 infrastruktur layihəsinin təqdim edildiyi tədbirdə çıxış edib.
O, Son illərdə Uttaraxand, Ladax, Himaçal Pradeş və Sikkim kimi sərhəd əyalətlərində təbii fəlakətlərin artdığına diqqət çəkib:
"Ölkədə baş verən iqlim dəyişikliyi təkcə hava hadisəsi deyil, həm də milli təhlükəsizlik məsələsidir. Müdafiə Nazirliyi bu məsələyə son dərəcə ciddi yanaşır. Nazirlik bu hadisələrdə düşmən ölkənin əli olub-olmaması ilə bağlı araşdırma apararkən dost ölkələrdən kömək istəyəcək".
Roza Şəfiyeva
