"Azərbaycan və Ermənistan arasında dövlət sərhədinin demarkasiyası regional sabitlik üçün vacibdir".
Publika.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.
“Biz Azərbaycan və Ermənistan arasında dövlət sərhədinin demarkasiyası üzrə praktiki mərhələnin başlanğıcını izləyirik. Regional sabitlik üçün vacibdir. Biz bütün sərhədlərin demarkasiyası məsələlərinin müstəsna olaraq siyasi və diplomatik üsullarla həllinin tərəfdarıyıq. Hesab edirik ki, sazişlər sabit, balanslaşdırılmış, qarşılıqlı məqbul olmalı və regionda davamlı sülhə nail olmaq üçün əsas olmalıdır”, - o, cümə axşamı keçirilən brifinqdə bildirib.
Zaxarova Rusiyanın üçtərəfli razılaşmalar əsasında demarkasiyada tərəflərə məsləhətçi yardım göstərməyə hazır olduğunu təsdiqləyib.
Hüseyn İbadlı
