Bu il Avroviziya mahnı müsabiqəsinə ev sahibliyi edəcək İsveçdə mindən çox musiqiçi İsrailin, Qəzzada müharibə apardığına görə builki mahnı müsabiqəsindən çıxarılmasını tələb edən məktub imzalayıb.
Publika.az xəbər verir ki, İsveçin “Aftonbladet” qəzetində dərc olunan açıq məktubda Avropa Yayım Birliyinin İsrailin iştirakına icazə verərək qurbanların əzabına məhəl qoymadığı və ikili standartlar nümayiş etdirdiyi bildirilib.
İmzalayanlar arasında beynəlxalq səviyyədə uğurlu musiqiçilər First Aid Kit və Fever Ray, həmçinin opera müğənnisi Malena Ernman, iqlim fəalı Qreta Tunberqin anası var.
Bundan əvvəl Finlandiya və İslandiyadan olan təxminən 1400 sənətkar oxşar məktubu imzalayıb.
Roza Şəfiyeva
