Keçən il Fransada 2027-ci ilə qədər 63 mağazasını bağlayacağını açıqlayan “Pimkie” qadın geyimləri şəbəkəsi, keçən həftə bu siyahıya 36 mağaza əlavə edib.

Publika.az xəbər verir ki, şirkətin restrukturizasiya planını həyata keçirməkdə çətinliklərin əlaməti olaraq onlarla mağaza həmişəlik bağlanacaq. “Pimkie”nin xərcləri azaltma planını sürətləndirmək məcburiyyətində qaldığını bildirən şirkət, iqtisadi şəraitdən, inflyasiyadan və son aylarda mağazalara gələnlərin sayının azalmasından şikayətlənib.

“Pimkie” 2023-cü ildə 196 mağazasından 23-nü bağlayıb.

“Artıq lazımi geyim çeşidimiz yoxdur və müştərilərimizi geri qaytarmaqda çətinlik çəkirik. Lakin rəhbərliyin bu pis dövrdən sonra hələ də ümidi var. Transformasiya planımız “Pimkie” təcrübəsini yenidən kəşf etmək və onun 18-25 yaşlı gənclər arasında populyarlaşdırmaq məqsədi daşıyır. Yeni konsepsiya qarşıdakı həftələrdə açılacaq", - brendin baş menecerinin müavini Elodie Çelle mətbuata açıqlamasında bildirib.

Aysel Şahmar