"Seçki prosesi texniki cəhətdən çox yüksək səviyyədə təşkil olunmuşdu. Bu seçki avropalı mütəxəssislərimizin bütün suallarına cavab verdi. Belə ki, bütün bəndlər üzrə verilən sözlər yerinə yetirildi. İlkin nəticələri bilirsiniz, ona görə də sizi təbrik edirəm. İlham Əliyevi şəxsən tanıyıram. O regionun lideridir. İstərdim ki, siz onun necə böyük işlər gördüyünü lazımınca qiymətləndirəsiniz. Mənim səsvermə hüququm olsaydı, səsimi İlham Əliyevə verərdim".
Publika.az xəbər verir ki, bu sözləri Qara Dəniz İqtisadi Əməkdaşlıq Təşkilatının nümayəndəsi, Gürcüstan deputatı Ramaz Nikolayşvili ölkəmizdə baş tutan növbədənkənar prezident seçkilərinin nəticələrinə dair keçirilən mətbuat konfransında səsləndirib.
