"Keçmiş arvadım Ulduz xanımı çox gözəl başa düşürəm. O da mənim kimi iki övladını itirib. Mən nə dərd çəkirəmsə, o da bir ana kimi o dərdi çəkir. 2 övlad itirəndə valideynin beli ikiqat sınır".

Publika.az axşam.az-a istinadla xəbər verir ki, bu sözləri Əməkdar artist Rəhman Rəhmanov "Elgizlə izlə" verilişində deyib.
Aktyor keçmiş həyat yoldaşı Ulduz Əhmədovanın "Oğlumun ölümünü instaqramda gördüm" sözlərinə cavab verib.

R.Rəhmanov ayrılmalarından bəhs edib: "Ulduz xanımı boşamamışam. Özü məndən boşanıb. Məhkəmə ilə boşananda aylarla çəkir. Yəni Ulduz məni məhkəməyə verdi, boşadı. Bilmirəm niyə. Özü belə istədi. Günlərin bir günü Kubinkada olan 7 otaqlı evimdən məni qovdu. Lakin o ərəfələrdə gedib orada uşaqlarımla görüşürdüm, maddi yardım edirdim.

Dedim ki, qarşıma subay bir qadın çıxsa, onunla da evlənəcəyəm. Elə də oldu. İkinci evlilikdə bəxtim gətirdi. Artıq 30 ildir xoşbəxtəm ki, övladlarıma baxılmasında, onlara analıq etməsində də ikinci arvadım, yəni Gülü xanımın zəhməti və əziyyəti var".

Qeyd edək ki, Emil Rəhmanoğlu ötən ilin sentyabrın 19-da 44 yaşında xəstəxanada dünyasını dəyişib.