"Rusiya ABŞ prezidentliyinə namizədlərin heç birinə rəğbət bəsləmir, Amerikanın seçki kampaniyasını bankadakı hörümçəklərin döyüşü kimi qəbul edir".

Publika.az TASS-a istinadla xəbər verir ki, bunu Rusiya Təhlükəsizlik Şurasının sədr müavini Dmitri Medvedev bildirib.

“Biz başqa ölkələrin daxili işlərinə qarışmırıq, yalnız ölkəmizi və vətəndaşlarımızı qoruyuruq. Bu nöqteyi-nəzərdən Amerikada seçkilərdə kimin və necə qalib gələcəyi bizi ümumiyyətlə maraqlandırmır”, - Medvedev bildirib.

Medvedev qeyd edib ki, ABŞ prezidenti postuna namizədlərdən heç biri Rusiya Federasiyasına rəğbət bəsləmir:

“İndi bu, bankadakı hörümçəklərin döyüşündən başqa bir şey deyil”.

Təhlükəsizlik Şurası sədrinin müavini həmçinin qeyd edib ki, Rusiya Federasiyası Donald Tramp və ya ABŞ-ın hər hansı digər mümkün prezidenti ilə öz maraqlarını qorumaq nöqteyi-nəzərindən dialoq aparacaq. Lazım gələrsə, kimin prezident olmasından asılı olmayaraq, Rusiya Federasiyası ştatlara cavab verəcək.

Medvedev həmçinin qeyd edib ki, ABŞ Prezidenti Co Bayden hakimiyyətdə olduğu son altı ayda hər şeyi edə bilər. O hesab edir ki, hazırda Amerika lideri artıq zəifdir və heç nəyə təsir etmir.

Hüseyn İbadlı