Ukrayna Silahlı Qüvvələrinin Rusiyanın Kursk vilayətinə həmləsindən sonra ümumilikdə 106 nəfər yaralanıb.
QÜTB.AZ xəbər verir ki, bunu Rusiyanın səhiyyə naziri Mixail Muraşko açıqlayıb.
Onun sözlərinə görə, Ukrayna ordusunun Kursk vilayətinə həmləsi başladıqdan bəri 69 nəfər, o cümlədən 8 uşaq stasionar müalicə üçün xəstəxanalarda qalır.
Nazir vurğulayıb ki, 17 zərərçəkənin vəziyyəti ağırdır:
"Dördü uşaq olmaqla 11 nəfər Moskvadakı tibb mərkəzlərində və xəstəxanalarda müalicə olunur. O qeyd edib ki, Kursk vilayətinin 29 sakininə ambulator yardım göstərilib, avqustun 11-nə olan məlumata görə, daha 8 nəfər isə xəstəxanalardan buraxılıb".
