“Vaqner” hərbi birləşməsi Malidə silahlıların hücumu zamanı döyüşçülərinin öldüyünü təsdiqləyib.

Publika.az xəbər verir ki, bu barədə “Unloading Wagner” şirkətinin rəsmi kanallarından biri məlumat yayıb.

Şirkət nümayəndələrinin sözlərinə görə, iyulun 22-dən 27-dək Tin-Zautin kəndi yaxınlığında gedən döyüşlər zamanı Mali Silahlı Qüvvələrinin (FAM) əsgərləri və komandir Sergey Şevçenkonun rəhbərlik etdiyi 13-cü hücum dəstəsinin əsgərləri min nəfərə qədər olan “Azawad” Koordinasiya Hərəkatının (CMA) üsyançı silahlıları ilə toqquşub.

Qeyd olunur ki, CMA silahlıları ağır silahlardan və PUA-lardan istifadə edərək FAM mövqelərinə hücum ediblər. Bu da “Vaqner” PMC və onların dost qüvvələrinin itkiləri ilə nəticələnib.

“Prud qrupu”ndan sonuncu radioqramma iyulun 27-də saat 17:10-da gəlib: “Üçümüz qaldıq, döyüşü davam etdiririk”. 13-cü hücum dəstəsinin komandiri Sergey Şevçenko döyüşdə həlak oldu. Vəzifə borcunu sonadək yerinə yetirən qardaşlarımızın xatirəsi əbədidir”, - deyə məlumatda bildirilir.

Tural