Kanadada ölkəyə sığınan fələstinli anaya qızının ölümündən 2 həftə sonra onu Qəzzadan ölkəyə gətirmək üçün icazə verildiyi məlum olub.
Publika.az xəbər verir ki, Kanadada yayımlanan CBC News kanalının məlumatına görə, ölkəyə sığınan fələstinli ana Samar Alkhdour bir neçə il əvvəl xəstə qızını Qəzzadan ölkəyə gətirmək üçün Kanada Xarici İşlər Nazirliyinə müraciət edib. Lakin onun qızı hələ icazə verilmədən dünyasını dəyişib.
"CBC News"a danışan ana bildirib ki, 2017-ci ildən Qəzzada qohumlarının evində qalan serebral iflic olan 13 yaşlı qızını görə bilmir.
Alkhdur İsrailin Qəzzanı işğal etməsi səbəbindən qızının ehtiyaclarının qarşılana bilmədiyini, səhhətinin pisləşdiyini və bu səbəbdən dünyasını dəyişdiyini bildirib.
Roza
