İsrail ordusunun xüsusi təyinatlı əsgərləri Qəzza zolağının şimalında yerləşən “Əl-Şifa” xəstəxanasında reyd keçirən zaman təxminən 3 milyon dollar nağd pul aşkarlayıblar.
Publika.az xəbər verir ki, bu barədə ordunun mətbuat xidməti məlumat yayıb.
"Xəstəxanada aparılan axtarışlar zamanı hərbçilər terrorizmi maliyyələşdirmək üçün nəzərdə tutulmuş 11 milyon şekel (təxminən 3 milyon dollar) və İordaniya dinarı aşkarlayıblar", - deyə məlumatda bildirilib.
Qeyd olunub ki, hərbçilər xəstəxananın yaxınlığındakı nəzarət-buraxılış məntəqəsi vasitəsilə 3,7 min qəzzalının anklavın cənubuna doğru hərəkət etməsinə icazə verib. Onlardan 300-dən çoxu terror fəaliyyətində iştirakda şübhəli bilinərək saxlanılıb. Onların arasında yüksək rütbəli terrorçu, o cümlədən Fələstin radikallarının silahlı birləşmələrində əsas mövqeləri tutanlar var.
