İsrailin Kan Yayım Korporasiyası 2024-cü ildə "Eurovision" Mahnı Müsabiqəsi üçün nəzərdə tutulan mahnının sözlərinin dəyişdirilməsinə razılıq verib.
Publika.az xəbər verir ki, bu barədə şirkətin saytında məlumat yayılıb.
Mahnı müsabiqəsinin təşkilatçıları daha əvvəl 20 yaşlı Eden Golanın "Oktyabr Yağışı" mahnısını "siyasi xarakterli" hesab edərək qəbul etməyiblər. Kompozisiyada “Hamısı yaxşı uşaqlar idi, hər biri” misrası, həmçinin 2023-cü ilin oktyabr hadisələrinə istinad sayılan müharibədən sağ çıxa bilməyən əsgərlərə aid “çiçəklər” sözləri yer alıb.
Kan Yayım Korporasiyasının məlumatına görə, Avropa Yayım İttifaqının mövqeyi ilə razılaşmasalar da, ölkə prezidenti İsaak Hersoqun məsləhətinə əməl etmək qərara alınıb.
Cəmilə
