Bu gün, martın 2-də İrəvanda quldurluq hadisəsi baş verib.

Publika.az xəbər veririk, bu barədə “shamshyan.com” saytı məlumat yayıb.

Saat 04:55 radələrində Şenqavit rayon polisinə Heratsi adına 1 saylı Universitet Xəstəxanasından xəstənin sol baldır nahiyəsinin yarası ilə xəstəxanaya yerləşdirildiyi barədə məlumat daxil olub.

Şamşyanın sözlərinə görə, xəstəxanada həkimlər polisə yaralı xəstənin əməliyyat otağında olduğunu və izahat verə bilməyəcəyini bildiriblər.

Məlum olub ki, 54 yaşlı İrəvan sakini Samvel A. yaralanıb.

Polis həmçinin müəyyən edib ki, zərərçəkmiş Arşakunyats prospektində, Şenqavit rayonunda İrəvan Ümumi Yurisdiksiya Məhkəməsinin binasının yanında yerləşən “Maks Oil” yanacaqdoldurma məntəqəsində xəsarət alıb.

Mənbənin məlumatına görə, saat 04:30 radələrində odlu silahla silahlanmış iki maskalı şəxs yanacaqdoldurma məntəqəsinin ərazisinə soxularaq işçilərin qarşısında tələblər irəli sürsələr də, sonuncular onlara tabe olmayıb, ərazini tərk etməyi tələb ediblər, nəticədə əlbəyaxa dava olub. Hücum edənlərdən biri atəş açıb, digər ikisi isə qaçıb.

Faktla bağlı cinayət işi başlanıb.

Tural