"SpaceX" tərəfindən istehsal edilən "Falcon 9" raketi ilə kosmosa göndərilən “Odysseus” adlı kosmik gəmi Aya eniş edib.
Publika.az xəbər verir ki, kosmik gəmi bu enişi ABŞ-ın “Intuitive Machines” şirkətinin “IM-1” missiyası çərçivəsində edib.
Şirkətin uçuş direktoru Tim Crain "Nova-C"nin Ay səthinə enməsindən təxminən 15 dəqiqə sonra kosmik gəmidən ilk siqnalın alındığını bildirib: "Əmin olduğumuz şey avadanlıqlarımızın Ay səthində olması və əlaqə saxladığımızdır”.
"Nova-C" Aya enən ilk şəxsi kosmik gəmi olaraq qeyd edilib.
İlk Aya eniş cəhdi olan IM-1 missiyası çərçivəsində NASA-nın "Commercial Lunar Fayload Services" (CLPS) proqramı üçün Intuitive Machines"in Ay səthinə elmi və texnoloji faydalı yüklər daşıdığı açıqlanıb.
2013-cü ildə əsası qoyulan və baş ofisi ABŞ-ın Texas ştatında yerləşən "Intuitive Machines" ictimai şirkət kimi fəaliyyət göstərir. Məlumdur ki, şirkət CLPS proqramı çərçivəsində Ay səthinə yük daşımaq üçün NASA ilə 3 müqavilə imzalayıb.
Roza
