Yəmən husilərinin Qırmızı dənizdə gəmilərə hücumları səbəbindən Böyük Britaniya sakinləri qara çay qıtlığı ilə üzləşib.

Publika.az xəbər verir ki, bu barədə "The Times" qəzeti krallığın ticarət şəbəkələrindəki mənbələrə istinadən məlumat yayıb. Məlum olduğu kimi, Britaniya sakinlərinə yerli mağazalar şəbəkəsi tərəfindən ənənəvi içkinin qıtlığı ilə bağlı xəbərdarlıq edilib. Bu, təchizatın pozulması ilə əlaqədardır.

İxrac və Beynəlxalq Ticarət İnstitutunun məlumatına görə, Hindistan və Keniya Böyük Britaniyanın əsas çay idxalçıları arasındadır. Bu ölkələrin ticarət gəmiləri Ümid burnu vasitəsilə Afrika qitəsini dövrə vuraraq Süveyş kanalından yan keçməli olurlar. Bununla əlaqədar olaraq malların çatdırılma müddəti iki həftəyə qədər artıb. İnstitutun baş direktoru Marko Forgione tədarükün kəsilməsinin bir neçə ay davam edəcəyini proqnozlaşdırır.

Tural