ABŞ-da birjaların çöküşü ABŞ Demokratlar Partiyasının namizədi seçilən vitse-prezident Kamala Harrisin seçki kampaniyasının çöküşünə səbəb olacaq.

QÜTB.AZ xəbər verir ki, bu barədə "Politico" məlumat yayıb.

Demokratlar Partiyasının üzvü Uilyam Oven birjanın çökməsinin Harris üçün böyük problem olduğunu söyləyib.

Siyasətçi əlavə edib ki, o , cümə və bazar ertəsi ABŞ-ın hazırkı Prezidenti Co Bayden və Harrisə məktub göndərərək, onları ABŞ Federal Ehtiyat Sisteminin əsas uçot dərəcəsini aşağı salmasını tələb etməyə çağırıb. Onun fikrincə, bu, tənəzzül riski səbəbindən seçicilərin Trampın tərəfinə keçməsinin qarşısını almağa kömək edəcək.

Qəzetin yazdığına görə, birjalardakı enişlər amerikalılara Bayden-Harris administrasiyasının inflyasiya ilə mübarizədə üzləşdiyi çətinlikləri xatırladır.

Bundan əvvəl Demokratlar Partiyasından prezidentliyə namizəd Kamala Harris vitse-prezidentliyə namizəd kimi Minnesota qubernatoru Tim Valzı seçib.

Hüseyn İbadlı