Böyük Britaniya Müdafiə Nazirliyi ilk dəfə olaraq Şotlandiyanın Hebridean poliqonunda hava hədəflərinə qarşı “DragonFire” yönümlü enerji lazer silahı sistemini sınaqdan keçirib.
Publika.az xəbər verir ki, bu barədə Böyük Britaniya hökumətinin mətbuat xidməti məlumat yayıb.
“Gələcəyin qabaqcıl hərbi lazeri ilk dəfə Böyük Britaniyada sınaqdan keçirilib”, - deyə məlumatda bildirilir.
Hökumət lazer topunun məsafəsini dəqiqləşdirməsə də, onun “görünən istənilən hədəfi” vura biləcəyini deyir:
“Dəqiqlik bir kilometr məsafədən 1 funt sterlinqlik sikkəni vurmağa bərabərdir”.
