Filippin polisi onlayn "eşq dələduzluğu" mərkəzinə basqın edib. Fırıldaqçılıq şəbəkəsi tərəfindən saxlanılan 658 nəfər xilas olunub.
Publika.az xəbər verir ki, BBC-nin məlumatına görə, Filippin polisi fevral ayında fırıldaqçılıq şəbəkəsindən qaçan vyetnamlının ifadəsi əsasında paytaxt Manilanın Bamban rayonundakı mərkəzə basqın edib.
Polis 383 filippinli, 202 çinli və 73 digər xarici ölkə vətəndaşı olmaqla, ümumilikdə 658 nəfərin xilas edildiyini açıqlayıb.
Romantik münasibətlər vədi ilə qurbanlarını aldadaraq saxta layihələrə və ya biznesə sərmayə qoymağa razı salan fırıldaqçılar cinayət törətməyə məcbur edilir.
Qeyd edək ki, Birləşmiş Millətlər Təşkilatının 2023-cü ilin avqustunda dərc etdiyi hesabata görə, dünyada yüz minlərlə insan internet fırıldaqçılığı etmək üçün Cənub-Şərqi Asiyaya aparılır.
Roza
