Avstraliyada İşçi Partiyasının senatoru Fatimə Payman Yaşıllar Partiyasının Fələstinin dövlət kimi tanınması təklifini dəstəklədiyi üçün partiya qrupundan uzaqlaşdırılıb. Daha sonra o, partiyadan istefa verdiyini açıqlayıb.
Publika.az xəbər verir ki, bu barədə “ABC News” məlumat yayıb.
Bildirilir ki, Payman vəzifəsini müstəqil şəkildə davam etdirəcəyini bəyan edib.
"Partiyanın qərarlarına əməl etmək üçün təzyiq altındayam. Vicdanım mənə başqa seçim qoymur", - o, bildirib.
Qeyd edək ki, 2022-ci ildə vəzifəyə başlayan və ölkənin ilk hicablı senatoru olan Payman təklifi dəstəkləyən yeganə İşçi Partiyası nümayəndəsi olub. Onun dəstəyinə görə iyulun əvvəlində partiya şurasının iclasında iştirakına qadağa qoyulub.
Roza Şəfiyeva
