Ermənistanda barəsində cinayət işi açılan türkiyəli bloger Ogün Özdəmirə qarşı ittihamlar məlum olub.

Qutb.az Ermənistan mətbuatına istinadən xəbər verir ki, o “Konstitusiya quruluşunun zorla dəyişdirilməsinə yönələn açıq çağırışlar və ölkənin suverenliyini inkar etmək” maddələri ilə təqsirləndirilir.

Ermənistanın İstintaq Komitəsində faktla bağlı Cinayət Məcəlləsinin müvafiq maddələri ilə istintaq aparılır.

Qeyd edək ki, blogerə qarşı cinayət işinin açılması ilə bağlı məlumatı martın 31-də Ermənistanın Ermənistan Milli Təhlükəsizlik Xidmətinin rəhbəri Armen Abazyan açıqlayıb.

Xatırladaq ki, bir neçə gün əvvəl türkiyəli bloger Ogün Özdəmir İrəvandakı Respublika meydanından canlı yayım açaraq Azərbaycan xalqını Novruz bayramı münasibətilə təbrik edib. O, eyni zamanda, Azərbaycan torpağında olduğunu deyib.

Bundan sonra o, Türkiyə telekanallarından birinə müsahibə verib.