Bu gün Münhen Təhlükəsizlik Konfransı öz işinə başlayır.

Publika.az xəbər verir ki, iki gün davam edəcək konfransda Prezident İlham Əliyevin də iştirakı gözlənilir. Ermənistanın baş naziri Nikol Paşinyan artıq Münhendədir.

Azərbaycan və Ermənistan liderlərinin Münhen Təhlükəsizlik Konfransı çərçivəsində görüşünün baş tutub-tutmayacağı əsas məsələlərdəndir. Rəsmi Bakı və rəsmi İrəvanın belə bir görüşlə bağlı heç bir məlumatı yoxdur. Lakin danışıqların Avropa platformasına köçürülməsində maraqlı olan Qərb Münhen konfransını fürsət olaraq istifadə edə bilər. Bu baxımdan, liderlərin ən azı “ayaqüstü söhbət” formatında danışması istisna edilməməlidir. MDB dövlət başçılarının Sankt-Peterburqda keçirilən sammiti çərçivəsində də belə bir söhbət baş tutmuşdu. Qərb də eyni formatdan istifadə edə bilər.

Qeyd edək ki, Münhün Təhlükəsizlik Konfransı Əliyevlə Paşinyanın məşhur debatı ilə də yadda qalıb. 44 günlük müharibədən öncə - 2020-ci ilin fevralında Münhendə təşkil edilən debat Əliyevin açıq üstünlüyü və Paşinyanın məşhur “kokeyşn büro” söhbəti ilə xatırlanır.

Asif