ABŞ-ın e-ticarət saytı "eBay" qeyri-qanuni narkotik vasitələrin istehsalı üçün istifadə edilən avadanlıqların satışına görə 59 milyon dollar ödəməyə razılaşıb.
Publika.az xəbər verir ki, ABŞ Ədliyyə Nazirliyinin açıqlamasında istehsal edilən dərmanların bəzilərində hətta fentanilin də olduğu bildirilib.
Ədliyyə Departamentinin Baş prokurorunun müavini Vanita Qupta da ölkədə fentanil ehtiva edən saxta dərmanların həddindən artıq dozadan ölüm hallarının artmasının mühüm mənbəyi olduğunu bildirib.
ABŞ Xəstəliklərə Nəzarət və Qarşısının Alınması Mərkəzinin (CDC) məlumatına görə, ABŞ-da fentanil kimi dərmanlara görə hər gün 150-dən çox insan ölür.
Roza Şəfiyeva
