Haitidə cinayətkar dəstələrdən birinin rəhbəri Baş nazir Ariel Henrinin istefa vermədiyi təqdirdə soyqırıma səbəb olacaq vətəndaş müharibəsi başladacaqları ilə hədələyib.
Publika.az xəbər verir ki, həbsxanalara basqın edərək, təxminən 4 min məhbusun qaçmasına və 12 nəfərin ölməsinə səbəb olan dəstənin rəhbəri "Barbekü" ləqəbli Cimmi Çerizier Baş nazirin istefasını tələb edib.
"Baş nazir Ariel Henri istefa verməsə və beynəlxalq ictimaiyyət onu dəstəkləməyə davam edərsə, biz birbaşa soyqırıma səbəb olacaq vətəndaş müharibəsinə gedəcəyik", - əvvəl polis olan Çerizier yayımladığı videomüraciətdə deyib.
Hökumət həbsxanadan qaçan cinayətkarları tutmaq üçün 72 saatlıq fövqəladə vəziyyət elan edib.
Henri sözügedən dəstənin hücumları zamanı Nayrobidə olub. Cherizierin dəstəsi Baş nazirin ölkəyə qayıtmasının qarşısını almaq üçün dəfələrlə paytaxt hava limanını ələ keçirməyə cəhd edib.
Roza Şəfiyeva
