Danimarka hökuməti İsveçlə sərhəddə, xüsusən də iki ölkəni birləşdirən Öresund körpüsündə nəzarəti gücləndirir.
QÜTB.AZ xəbər verir ki, bu barədə Danimarkanın ədliyyə naziri Peter Hummelqord bildirib.
Körpüdən keçən qatarlarda sərnişinlər nəzarətdən keçəcək, həmçinin sərhəddə üztanıma kameraları ilə analitik iş gücləndiriləcək.
Xatırladaq ki, ötən həftə Danimarkada baş verən atışma ilə əlaqədar üç isveçli yeniyetməyə ittiham irəli sürülüb.
İsveçdə mütəşəkkil cinayətkar qruplaşmalarla bağlı atışmalar və partlayışlar mütəmadi olaraq baş verir. Avropa İttifaqında adambaşına düşən küçə cinayətlərinin ən yüksək səviyyəsi də İsveçdədir.
