ABŞ prezidentliyinə namizəd Donald Trampı güllələyən Metyu Kruksun avtomobilində bombalar tapılıb.
Publika.az xəbər verir ki, bu barədə "The Wall Street Journal" məlumat yayıb.
Maşın Trampın seçicilərlə görüşdüyü sui-qəsd yerinin yaxınlığında park edilib.
Donald Trampa sui-qəsd iyulun 13-ü axşam saatlarında baş verib . Siyasətçiyə bir neçə dəfə atəş açılıb, bundan sonra qulağı qanlı halda səhnədən götürülüb və xəstəxanaya yerləşdirilib. Müalicə aldıqdan sonra Tramp xəstəxanadan buraxılıb.
Atıcı məhv edilib və şəxsiyyəti müəyyən edilib.
FTB-nin məlumatına görə , o, Pensilvaniya ştatından olan 20 yaşlı Tomas Metyu Kruksdur.
"New York Post" mənbələrinin məlumatına görə, gənc oğlan Trampın danışdığı səhnənin təxminən 120 metrliyində istehsalat fabrikinin damından atəş açıb.
Hüseyn İbadlı
