ABŞ hökuməti söz və ifadə azadlığını boğaraq vətəndaşların şəxsi həyatına nəzarət etmək səlahiyyətindən sui-istifadə edir.

Publika.az xəbər verir ki, bu ittiham Çin Xalq Respublikası Dövlət Şurasının mətbuat xidmətinin 2023-cü ildə ABŞ-da insan hüquqlarının vəziyyəti ilə bağlı hesabatında yer alıb.

Qeyd olunur ki, ABŞ-da insan haqlarının vəziyyəti pisləşməkdə davam edir. Çin ABŞ-da silah zorakılığının geniş yayıldığının fərqindədir. Sənəddə həmçinin həbsxana sistemində ciddi problemlər, etnik azlıqlara qarşı sistematik irqi ayrı-seçkilik, iqtisadi və sosial bərabərsizliyin artması qeyd olunub.

Bundan əlavə, hesabatda ABŞ Silahlı Qüvvələrinin digər ölkələrin suverenliyini və insan hüquqlarını pozduğu vurğulanır.

Çin iddia edir ki, Birləşmiş Ştatlar “uzun müddətdir hegemonluğun arxasınca düşüb, güc siyasəti həyata keçirərək humanitar böhranlar yaradıb”.

Cəmilə