Ayın Günəşin üzünü tamamilə örtdüyü tam Günəş tutulması aprelin 8-i günortadan sonra baş verəcək.
Publika.az xəbər verir ki, 2021-ci ilin dekabrından bəri dünyanın hər yerində görünən ilk tam Günəş tutulması və 2017-ci ilin avqustundan bəri ABŞ-dan görünən ilk tam Günəş tutulması bu il baş verəcək.
Təbiət hadisəsini Şimali və Mərkəzi Amerikanın dar bir zolağında 32 milyon insan görəcək. Dünyanın müxtəlif yerlərində isə Günəşin yalnız bir hissəsinin örtüldüyü “qismən günəş tutulması” görünəcək.
Günəş tutulması Meksikada başlayacaq, Texasdan keçərək Yeni İngiltərəyə çatacaq və Kanadada bitəcək. Ümumilikdə insanlar əvvəlcə qismən tutulma, sonra tam tutulma, sonra isə yenidən qismən tutulma görəcəklər.
Aysel Şahmar
