Madaqaskar parlamenti uşağa təcavüzə görə məhkum edilmiş şəxslərin kimyəvi və bəzi hallarda cərrahi yolla axtalanmasına icazə verən qanunu təsdiqləyib.
Publika.az xəbər verir ki, bu addım beynəlxalq insan haqları qruplarının tənqidinə səbəb olub. Bu barədə AP məlumat yayıb.
Ölkə parlamenti qanunu fevralın 2-də, yuxarı palata olan Senat isə keçən həftə təsdiqləyib. İndi o, Ali Konstitusiya Məhkəməsi tərəfindən ratifikasiya edilməli və dekabrda məsələni ilk dəfə qaldıran ölkə prezidenti Andry Rajoelina tərəfindən imzalanmalıdır.
Madaqaskarın ədliyyə naziri Landy Mbolatiana Randriamanantenasoa bildirib ki, bu addım uşaqlara təcavüz hallarının artması səbəbindən zəruridir. Onun sözlərinə görə, 2023-cü ildə azyaşlıların zorlanması ilə bağlı 600, bu ilin yanvarında isə 133 fakt qeydə alınıb.
Tural
