İtaliyada şagirdlərinin əhəmiyyətli hissəsinin müsəlman olduğu bir ibtidai məktəbin rəhbərliyi mərkəzi hökumətin və bölgə rəhbərliyinin etirazına baxmayaraq, Ramazan bayramının ilk gününü tətil etmək qərarına gəlib.

Publika.az xəbər verir ki,İtaliyanın ANSA agentliyinin məlumatına görə, məktəb rəhbərliyi Ramazan bayramının ilk gününün bayram elan edilməsi qərarını yenidən müzakirə edib.

Bu müddətdə məktəb rəhbərliyinin xüsusilə ifrat sağçı dairələrin təhdidlərinə məruz qaldığı bildirilib.

İqbal Məsih İbtidai Məktəbinin rəhbərliyi tədris ilinin əvvəlində məktəbdəki 1200 şagirdin təxminən 40 faizinin müsəlman olduğunu bildirib. Bunu nəzərə alan rəhbərlik builki Ramazan bayramının ilk gününü tətil elan etmək qərarına gəlib.

Lombardiya Bölgəsindəki ibtidai məktəblərə cavabdeh olan bölmə bu qərarın qeyri-qanuni olduğunu iddia edib.

Roza Şəfiyeva