"Fələstinin HƏMAS qruplaşması gələn həftə daha 4 israilli girovu azad edəcək".
QÜTB.AZ xəbər verir ki, bunu ABŞ Prezidenti Co Bayden "X" sosial şəbəkəsində yazıb.
“Atəşkəs qüvvəyə mindikdən sonra girovlar azad olunmağa başladı. Üç israilli qadın 470 gün girovluqda qaldıqdan sonra sərbəst buraxılıb”, - deyə o yazıb.
Onun sözlərinə görə, bir həftə ərzində daha dörd qadın azadlığa buraxılacaq.
Yanvarın 19-da HƏMAS üç girovu Beynəlxalq Qızıl Xaç Komitəsinin (BQXK) nümayəndələrinə təhvil verib. Qəzza zolağında azad edilən 3 girov İsrail hərbçilərinə təhvil verilib və onlar tibbi müayinəyə göndərilib.
İsrail ordusunun sözçüsü Daniel Haqari də İsrail ordusunun Qəzza zolağında atəşkəs razılaşmasına sadiq qaldığını və HƏMAS-ın mümkün təxribatlarına dözməyəcəyini bildirib .
Hüseyn İbadlı
