Xəbər verdiyimiz kimi, Bakının Nərimanov rayonu ərazisində yerləşən məşhur “Şuşa” restoranı və ətrafındakı bir sıra obyektlər sökülür.
QÜTB.AZ “Qafqazinfo”ya istinadən bildirir ki, sökülən ərazidə böyük lahiyə gerçəkləşdiriləcək. Bu, ADA universitetinin baş planı əsasında həyata keçiriləcək.
Bundan başqa, ərazidə yerləşən Şəhriyar parkı da yenidənqurmadan sonra istifadəyə veriləcək. Eyni zamanda, ADA universitetinin kampusunda yerləşən və öncədən təməli qoyulan İtaliya-Azərbaycan Universiteti də burada fəaliyyət göstərəcək.
Layihədə 4 nömrəli şəhər poliklinkasının da tarixi binasının bərpası nəzərdə tutulub. Firidun bəy Köçərli adına Respublika Uşaq Kitabxanasının da Şəhriyar Parkına köçürülməsini təklif olunur.
