"Azərbaycanda Psixoloji Reabilitasiya İmkanlarının Artırılması” (APRİA) layihəsi çərçivəsində bu gün ilk kitabımız işıq üzü gördü və geniş ictimaiyyətə təqdim olundu".

Publika.az xəbər verir ki, bu sözləri “For Azerbaijan” Beynəlxalq təşkilatının proqramlar üzrə direktoru Elnur Kələntərov deyib.

O əlavə edib ki, bu, “PTSP hallarında Yazılı Ekspozisiya Terapiyası” kitabıdır:

“Növbəti kitabımız da təxminən bir ay sonra geniş ictimaiyyətə təqdim olunacaq. Bu gün, həm də Azərbaycanda ilk dəfə olaraq psixoloji sahədə olan mobil tətbiqin təqdimatı oldu. Bu layihə çərçivəsində Azərbaycanın 40 psixoloqu Beynəlxalq sertifikatlara layiq görülüb və onların arasında iki nəfər beynəlxalq təlimçi qismində seçilərək Amerika Birləşmiş Ştatlarına göndəriləcək.

Seçim turlarına avqust ayında start veriləcək. Bu vaxta qədər isə layihə çərçivəsində azərbaycanlı psixoloqlarımız yüzdən çox qazi və şəhid ailə üzvlərini posttravmatik stress pozuntusu diaqnoz ilə müayinə ediblər və tam sağaldıblar. Azərbaycanda sübut olunub ki, bu müalicə üsulları çox effektivdir. Bizim məqsədimiz gələcəkdə bu müalicə üsullarının Azərbaycanda geniş tətbiqinə nail olmaqdır”.

Roza Şəfiyeva