Azərbaycan dövlət büdcəsi barədə kifayət qədər məlumat dərc edən ən qabaqcıl ölkələr qrupuna daxil olub.
Publika.az xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili parlamentin bu gün keçirilən plenar iclasında bildirib.
Qeyd edib ki, Beynəlxalq Büdcə Əməkdaşlığı" (International Budget Partnership (IBP) təşkilatı hər 2 ildən bir "Açıq Büdcə İndeksi" (ABİ) tərtib edir: “Burada büdcə proseslərinin şəffaflığı və büdcə məlumatlarının ictimaiyyət üçün əlçatanlığının səviyyəri qiymətləndirilir. Dünən açıqlanmış 2023-cü il üzrə hesabatda Azərbaycan ilk dəfə olaraq mümkün 100 baldan 67 ballıq nəticə alaraq 125 ölkə arasında 21 pillə irəliləyərək 23-cü yer tutub, büdcə barədə kifayət qədər məlumat dərc edən ən qabaqcıl ölkələr qrupuna daxil olub. Milli Məclisin, Maliyyə Nazirliyinin və Hesablama Palatasının ictimaiyyət üçün açıq olan birgə müzakirələri, rəsmi saytlarda, digər mühüm büdcə sənədlərində vaxtında dərc olunan məlumatlar Azərbaycanın bu göstəricilər üzrə ciddi irəliləyişində mühüm rol oynayıb".
