Sentyabrın 4-də astrologiyada müharibə və cazibə ulduzu olaraq xarakterizə edilən Mars Xərçəng bürcünə keçəcək və noyabrın 4-nə qədər bu bürcdə qalacaq.

QÜTB.AZ xəbər verir ki, astroloq Dinçer Güner “X” hesabında bununla bağlı açıqlama verib.

O qeyd edib ki, ev və ailə məsələlərində diqqəti olmaq lazımdır:

“Ailə daxilində daha qoruyucu və müdafiəçi bir münasibət sərgiləyə bilərsiniz. Evlə bağlı layihələrə başlamaq, evdə təmir işləri aparmaq və ya təhlükəsizlik məsələləri ilə məşğul olmaq üçün də ideal vaxtdır. Ailə münaqişələri və ya evlə bağlı problemlər yarana bilər, bu məsələlərə daha çox vaxt və səy sərf etməli ola bilərsiniz. Bu dövrdə milli təhlükəsizlik, sərhədlərin qorunması, müdafiə sistemlərinin gücləndirilməsi mümkündür.

Silah ticarətinin sürətlənə biləcəyi bir proses ola bilər. Bu dövrdə ölkələr sərhəd təhlükəsizliyi, hərbi müdafiə və daxili təhlükəsizlik kimi mövzularda daha həssas və diqqətli ola bilərlər. Qida istehsalı, kənd təsərrüfatı siyasəti və ya iqlim dəyişikliyinin kənd təsərrüfatına təsiri kimi məsələlər bu dövrdə daha çox müzakirə oluna bilər”.

Aysel Şahmar