Leysan yağışlardan sonra Türkiyənin Antalya şəhərinin küçələri su altında qalıb.
Publika.az xəbər verir ki, bununla bağlı videolar sosial şəbəkələrdə yayılıb.
Hadisə şahidlərinin çəkdiyi kadrlarda yarıya qədər su altında qalmış avtomobillər görünür. Uşaq meydançalarını və həyətləri su basdığı da müşahidə edilir.
Pis hava şəraiti səbəbindən yerli məktəblərdə və universitetlərdə dərslər ləğv edilməli olub. Hazırda şəhərdə əlverişsiz hava şəraiti davam edir.
